Mizoram Veterinary Service Association (MVSA) chuan vawiin khan an pawl khawmpui lian vawi 25-na chu Berawtlang Tourist Centre ah an hmang a; AH&Vety Minister Pu Nihar Kanti Chakma chu Khuallian a ni.
MVSA te hian kumin an khawmpui-ah hian “Mizote leh Ranvulh” tih thupui atan an hmang a. Khuallian Pu Nihar Kanti chuan thuchah sawiin Vety doctor te chu Vety department neitu tak tak an ni, a ti a; department leh sorkar thatna tura thahnem ngai taka thawk chhunzawm zel turin a chah. Pu Nihar Kanti chuan Bird Flu leh Swine Flu laka Mizoram a la him zel rih avangin lawmawm a tih thu a sawi a. Heng natna leh ran hrileng laka Mizoram venghim tur leh mipui ten sa hrisel leh thianghlim an ei theih na turinVety doctor rualte chuan mawhphurhna sang tak an nei a ni, a ti a. Tun sorkar hnuaia NLUP kalpui a nih hunah ranvulh lam chu trade pawimawh tak a nih leh dawn avangin Mizo mipui tam takin eizawnna kawng dik an zawh theih nan leh saa Mizoram a intodelh theih nan Vety department chu ruahmanna tha nena lo inbuatsaih lawk turin Pu Nihar Kanti chuan a chah a. Ram leh mipui mamawhna hre reng chungin Vety doctor te chu transfer leh posting chungchangah pawh thuawih taka sorkar tawiawm turin a chah bawk a ni.
Chawhma hun hi Dr.K.Rokhawla, Vice President, MVSA in a kaihruai a. Khawmpui thupui Mizote leh Ranvulh tih keynote address petu Dr.K.C.Roduhawma chuan ranvulh chu Mizo khawtlang nun nen nghet taka a inzawm dan tarlangin eizawnna chhenfakawm leh ram dinhmun siam thatna atana hmanraw pawimawh a nih dan a sawi a. Thusawitu dang Dr.C.Sangnghina, Director AH&Vety leh MVSA Adviser ni bawk chuan Vety service pawimawhna chu khawvelin a hre dawn chauh a ni, a ti a. Mipui hriselna thu ah te, ran leh saa ram intodelhna tur te, ei leh bara hmasawnna kawngah te he department hian mawhphurhna lian tak a nei tih sawiin thawktu leh sum indaihlohna karah pawh theihtawp chhuahin Vety department chuan mipui rawng a bawl zel dawn a ni, a ti.
MVSA khawmpui hi naktukah rorel inkhawma hman chhunzawm a ni dawn a. Vawiin chawhnu hunah khawmpui thupui sawihona neih a niin chawhma hun chu Dr. Saihlira, DIO in lawmthu sawiin hun hnung a khar a ni.
Chawhma hun hi Dr.K.Rokhawla, Vice President, MVSA in a kaihruai a. Khawmpui thupui Mizote leh Ranvulh tih keynote address petu Dr.K.C.Roduhawma chuan ranvulh chu Mizo khawtlang nun nen nghet taka a inzawm dan tarlangin eizawnna chhenfakawm leh ram dinhmun siam thatna atana hmanraw pawimawh a nih dan a sawi a. Thusawitu dang Dr.C.Sangnghina, Director AH&Vety leh MVSA Adviser ni bawk chuan Vety service pawimawhna chu khawvelin a hre dawn chauh a ni, a ti a. Mipui hriselna thu ah te, ran leh saa ram intodelhna tur te, ei leh bara hmasawnna kawngah te he department hian mawhphurhna lian tak a nei tih sawiin thawktu leh sum indaihlohna karah pawh theihtawp chhuahin Vety department chuan mipui rawng a bawl zel dawn a ni, a ti.
MVSA khawmpui hi naktukah rorel inkhawma hman chhunzawm a ni dawn a. Vawiin chawhnu hunah khawmpui thupui sawihona neih a niin chawhma hun chu Dr. Saihlira, DIO in lawmthu sawiin hun hnung a khar a ni.
