798/2025-2026

Aizawl the 10th June, 2025 : Mizoram Home Department in constable (UB/AB/Mechanic) Post 259 lakah Mizoram Youth Commission, Coaching zirlaite atangin mi 17 in hlawhtlinna an chang.

Tin, MYC Coaching class kal ve hman lo Police Constable hna dil tum te tan Registration fee Rs 100 chawiin ni 20, May, 2025 (Thawhtanni) khan Orientation leh Mock interview a buatsaih bawk a, he programme chhimtute hian an hlawkpui hle a, programme chhimtute atang hian mi 17 in hlawhtlinna an chang bawk a ni. Heti hian MYC atang hian mi 34 zetin hlawhtlinna an chang thei a ni.

Police a tling ta te MYC chuan a lawmpui em em a, duhsakna kan hlan a ni. Mizo thalai hnazawng mekte tan a tul angina MYC chuan hma a la zel dawn a ni.