June Ni 16, 2018 khan Lal Thanhawla Auditorium, Aizawlah Korean Cultural Centre, India buatsaihin Changwon K-Pop World Festival, North East India Circle neih a ni a. He hunah hian Pu Joseph Lalhimpuia, Chairman, Mizoram Youth Commission chu Khuallian a ni.

Pu Joseph Lalhimpuia chuan thalaite khawvel, ‘Ka nun alawm,’ (It’s my life) tih ngaihdan nena kan khawsak chhoh mek lai hian, vawiin atang hian thalaiten kan hmathlir innghahna chu, ‘Ka duhthlanna a ni,’ (It’s my choice) tih hre thar chungin kan nakin hun i duang ang u tiin thalaite a fuih.

He hun hi zai leh lama intihsiakna hun atan hman a niin, heta category hrang hranga 1-nate hi July Ni 9,2018 hian New Delhi-ah India ram Region hrang hrang atanga pakhatna theuhte nen an intihsiak leh dawn a. Khuallian hian intihsiakna lawmman a sem nghal bawk a ni.