Vawiin khan Mystic School of Music, Mizoram a rimawi zirna school tha ber pawl a ngaih chuan an din champhaphak kum 10-na ropui takin I&PR Auditorium-ah an lawm. Vawiin programme hi Master of Ceremony Moses Lalfakawma, Kulikawn in a kaihruai a. Naupang kum 7 atanga puitling kum 40 chuang thlengin thiam thil chi hrang hrang hmuhnawm leh ngaihnawm tak tak an entir a. Keyboard, Guitar solo, Drums solo, Guitar duet, Piano leh Phenglawng bakah zai mawi tak tak ngaihthlak tur a awm a ni.
Mystic School of Music hi Music lama zofate chhuanvawr Pu Zothanmawia, Khatla chuan 2001 khan a din a. Music chi hrang hrang Guitar, Piano, Violin, Flute, Drums, Solfa (tonic leh staff notation) bakah zai zirna thlengin a awm a. Tunah hian mahni chanpual theuha mi chung en, zirtirtu engemawzatin naupang 200 bawr vel zing dar 7 atanga tlai dar 5 thlengin class an pe reng a ni.
