Vawiin khan Transport Minister Pu PC PC Zoram Sangliana chuan Kolasib –a Parish Hall-ah tunhnaia HSLC leh HSSLC exam result chhuak ta-a Kolasib District atanga zirlai tithate mi 74 te hnenah chawimawina Citation a hlan.

Thu sawiin Pu Ramsanga chuan vawiina zirlai hlawhtlinna changte chu a lawmpui hle a ni, a ti a. Kolasib MZP ten chawimawi phute chawimawi nachang an hria chu thil ropui tak a ni, a ti a. MZP chu kawng tamtaka thil tha ti tawh thin a nih thu sawiin amah ngei pawh tunhma lama MZP hruaitu lo ni thin a ni a. Mizorama Remna leh Muanna a awm theih nan te lo thawk tawhin tanpui ngaite puia, a phute chawimawina pe thin an ni, a ti a. Ram rawngbawlna kawnga rilru fim tak nena thawk thin turin MZP te chu a chah a ni.

Minister chuan inthlan a hnaih apiangin chakma/tuikuk tih sawi rik a tam thei hle a ni, a ti a. Foreigner chungchang sawiin ‘Foreigner chu Foreigner’ a ni mai a ni, tih hi sawrkar ngaihdan a ni, a ti. Mitinte thudika kan din a ngai a. Thu belhchian dawllo leh thu chiang lo mai maia in nghat lovin, ni chu ni, tiha kan din a ngai a ni, a ti a ni. Zirlaite chu an harsatna leh puih an ngaihna apiangah a theihtawp chhuah a inhuam reng tih a sawi bawk.

Vawiina Pu Ramsanga'n chawimawina Citation a pek takte hi HSLC-ah Distinction leh Ist Div. mi 51 bakah HSSLC titha mi 23 te an ni a. An zingah hian Mizoram pumpuia Top ten-a tling, HSLC –ah Lalhruaizela, 3rd rank, Veronica Laldintluangi, 8th rank.. HSSLC-ah Brenda Zochhuanmawii 4th rank leh Elizabeth K. Zonunthari, 7th rank te chu Citation leh Mizoram Year Book a hlan a ni. Heng bakah hian Kolasib MZP Hqrs chuan St. Johns Higher Secondary School, Kolasib chu MZP, Kolasib chuan an tih that avangin chawimawina an pe bawk a ni.

irlai chawimawina inkhawm hi PC Zosangliana President, MZP Hqrs Kolasib chuan a kaihruai a. Aizawl atangin MZP Gen Hqrs hruaituten an hmanpui bawk a ni.