Vawiin chawhnu Dar 2:00pm khan Mizoram State Livelihood Mission,(MzSLM) Siaha RD Block atana hnathawh tanna tur chu Siaha Dist. Bawrhsap Pi Harleen Kaur IAS, chuan DRDA conference Hall-ah a hawng. He MzSRLM Siaha RD block hnuaia  hawnna inkhawm hi Pu VL.Hruaizela Khiangte PD, DRDA chuan  a kaihruai a ni.         

He MzSRLM Siaha RD Block  chhunga hmalakna tur hawngtu khuallian Pi Harleen Kaur chuan  Self Help Group hmanga retheihna umbo tura hmalakna chu kan Dist. ah tihhlawhtlinngei a nih a beisei thu sawiin, mahni intanpuite hi Pathianin a tanpui thin a ni tih sawiin MzSRLM thiltum  tihlawhtling tura taima taka thawk turin RD Block Siaha hnuaia SHG members te chu a chah bawk a ni. He hunah hian Lunzosang Vaiphei Young professional, NRLM in key note address pe in, Pi C. Vanlalhruaii, Block Mission Manager chuan MzSRLM kalphung leh an hnathawh Dan power point presentation hmangin a pe bawk.

PiLaldinthari zofa SHG thenzawl chuan an hlawhtlinna thu ngaihnawm tak a sawi bawk. Pu S.Kaptluanga BDO Siaha & Block Mission Director ni bawk chuan lawmthu sawiin prog.hi khar a ni. Tun hi MzSRLM in block wise a programme a hawn thawh thumna niin tuntumah hian Mizoram RD block 7 ah hawn a ni a, Lunglei leh Aizawl Dist. tih loh District dang chu cover kim a ni tawh a ni.