Tukin zing khan NSS MZU Unit huaihawtin MZU Campus atanga Tanhril khua thleng Youth Rally neih a ni a, he hunah hianIndiaram pum huapa huaihawt Central Scheme pahnih ‘National Youth Policy 2014’ leh ‘Rajiv Gandhi Khel Abhiyan’ tlangzarhna hun hman nghal a ni. He hun hi MZU Vice Chancellor Prof R. Lalthantluanga’n leh NSS Programme Coordinator Prof. P. Rinawma ten an hmanpui a ni.

Tlangzarhna hun hmangtu Vice Chancellor Prof R. Lalthantluanga chuan zirlaite chu lehkha zirlai ngawr ngawr piah lamah midang tana malsawmna thlen thei tura rilru siamthar turina chah a.  Tun atanga reilote a hman theih tur heng scheme te hi thalaite hmakhua ngaia siama nih avangin ngun taka hriatchian a that thu a sawi bawk. Rally-ah hian heng scheme pahnih chungchang inziahna -leaflet  Tanhril leh MZU Campus ah semdarh a ni a, NSS Volunteers te an kal tha hle. 

Central sorkarin Rajiv Gandhi Khel Abhiyan (RGKA) scheme a siamthar hi rampum huapa infiamna lama hmasawnna tura tih a ni a. He scheme hi  District-a Block  tinah Sports Complex siamna tura duan a ni a. Sports Complex  sakna tur atan hian Rs. 1.75 crore dah a ni anga, hei bakah hian a thuamna leh hman tur sport equipments leina atan Rs. 15 Lakhs dah a ni bawk dawn a ni.

National Youth Policy 2014(NYP 2014) hi Sorkar laipuiin rampuma thalaite hmasawnna tur atana duan a ni a. He policy document hi a duh apiang tan internet ah download theih tura dah niin sorkarna chelhtute leh a kaihhnawih department hrang hrangte kaihruaitu atana hman tura tih a ni.

Attachment

  • Loading attachment...