No.6868/2020-2021 

Serchhip District chhunga N. Vanlaiphai Village Council inthlan that (Re-Poll) chu tluang  taka neihzawh a ni a. He inthlan chungchangah hian a hnuaia mi ang hian State Election Commission chuan thuchhuah a siam a ni.

State Election Commission chuan ni 27.08.2020 leh 04.09.2020 te khan  Mizoram chhunga District 9 (pakua)-ah Village Council inthlanpui a lo buatsaih tawh a, he  intlanpuiah hian result tih chhuah vek a nih hnuin danin a phalsak anga he inthlanpui  neih taka candidate-te’n Election Petition an theh luh theih hun chhunga sawi buai tur an  neih te, an lungawi lohna chi hrang hrang State Election Commission-ah an theh lut a,  heng lungawi lohna te ching fel tur hian Rule 86 of the Mizoram (Election to Village  Councils) Rules, 2014 in thu neihna a pek angin ni 05.10.2020 khan State Election  Commission chuan Election Tribunal a ruat a. Election Tribunal-te’n an thu buai ngaihtuah  turte an ngaihtuah hnuin Serchhip District chhunga N. Vanlaiphai Village Council chu  inthlan that a lo ngai ta a. Election Tribunal thu thlukna bawh zuiin State Election  Commission chuan N. Vanlaiphai Village Council Members te thlan that (repoll) ni tur atan  10.12.2020 a ruat angin, inthlan thatna (repoll) chu tluang taka neih a ni.  

N. Vanlaiphai Village Council a Seat leh Voter awmzat 

General Seats : 5 

Reserved Seats : 2 

Total Voters : 2516 

Male Voters : 1251 

Female Voters : 1265 

Voter Turnout: 

Vote thlak zawng zawng : 1824 

Mipa Voters : 893 

Hmeichhe Voters : 931 

Za zel a Vote tla zat : 72.50 %

Political Party Seat lakdan: 

Party General Reserved Total Seats Bharatiya Janata Party : 0 0 0

 Indian National Congress : 1 0 1 

Mizo National Front : 3 1 4 

Mizoram People’s Convention : 0 0 0 

Zoram Peoples’ Movement : 1 1 2

 Independent/No Majority : 0 0 0 

He inthlannaah hian General Election to Village Council 27.08.2020 neih taka  Reserved seat-a tling Re-poll a tling zo ta lo pakhat tih loh chu a ngai thlan tlin leh vek an ni  a, a hnuaia table a tar lan ang hi inthlan that (re-poll)-a thlan tlin tharte chu an ni:

N. Vanlaiphai Village Council vote thlak thatna neihah hian harsatna awm  lovin inthlanna tluang taka neih a ni a, he inthlanna atana mawhphurtu ber Deputy  Commissioner & District Election Officer, Superintendent of Police, Assistant District  Election Officer, Sector Officer, Returning Officer, Assistant Returning Officer, Presiding  Officer, Polling Officer, Booth/Village Level Officer leh Police force-te inpekna avangin  inthlanna tluang taka zawh fel a ni a, State Election Commission chuan an chungah  lawmthu a sawi a ni. 

COVID-19 hripui laka mipuite him theihna tura State Election Commission-in  General Election to Village Councils neih zawh taka inkaihhruaina a tih chhuahte keng kawh zui tura District thu neitute thu a pek angin, District thu neituten dan leh thupek  mipuite zawm tur an tih chhuahte mipui ten felfai taka zawm a nih avangin inthlanna  tluang taka neih a ni.  

Inthlan chungchanga mipuite leh political party te leh candidate te hriat tur  pawimawh State Election Commission-in a tih chhuah, thu thar, rang taka min puan chhuahsak thintu Information & Public Relations Department-a thawk zawng zawngte leh  Media-te hnenah State Election Commission chuan lawmthu a sawi bawk a ni. 

State Election Commission, Mizoram chuan Village Council member thlan  thar zawng zawngte lawmpuina a hlan a, hripui leng kara Democracy innghahna pawimawh tak Village Council inthlanna ti hlawhtling tura N. Vanlaiphai khaw mipui, vote thlaktu  zawng zawng te chungah lawmthu a sawi bawk a ni.