Vawiin hian KVK N. Vanlaiphai, Serchhip District chuan “Large Tree Plantation Campaign & Farmers’ Seminar Programme” KVK Hall-ah an hmang.

He hun hi Pu Lalnunngila, Assistant Conservator of Forest, N. Vanlaiphai Forest Division, chuan Khuallian niin hun a hmanpuia, mihring te kan dam khawchhuah nan thing leh mau humhalh hi thil pawimawh hmasa anih thu sawiin, tui hnar kang chat mek tiziaawm leh tur chuan ramngaw humhalh hmasak bawk a ngaih thu a sawi. Kan dam khawchhuah nan mai bakah nakin lawkah chuan Carbon Trading hi sumdawnna hlawk tak a la nih ngei a beiseiawm , a ti bawk.

Programme hman zawhah thing tiak phunna neih zui a ni a, Pu Zirtluanga Hnamte, Forester, Department of Environment, Forest & Climate Change, N. Vanlaiphai Forest Division chuan thing phun dan dik zirtirna practical demonstration hun a hmang a ni. India ram state dang leh khawvel hmun danga an ramngaw enkawl dan te sawihona hun hlawkthlak tak neih a ni bawk.

He hun hi Dr. T. Vanlalngurzauva, Senior Scientist & Head, KVK Serchhip District, N. Vanlaiphai chuan a kaihruai a ni.