National Bank for Agriculture and Rural Development (NABARD) buatsaih, State Credit Seminar chu vawiin khan NABARD Regional Office ah neih a ni a, Agriculture Minister Pu H.Liansailovan he Seminar hi a hmanpui a ni.
Seminar kaihruaitu Pu P.C. Sahoo, General Manager, NABARD chuan seminar thil tum leh buatsaih a nih chhan tlangpui sawiin loneitute leh kut hnathawktute khaichhuah nana sorkar leh bank hrang hrangte bakah NGO te hmalakna chu rualkhai taka a kal tlan theih nan leh kut hnathawktu tam zawkin an chhawr tangkai theih nan seminar chu hmalak tlan dan tur sawihona hun atan buatsaih a ni, a ti a. Bank hrang hrang ten loneitute hnena sum an puktir thin chu Mizoram ah 75% aia tam loneitu ten an la chhawr tangkai lo tih tarlangin Pu Sahoo chuan kum 2015 ah chuan loneitu zawng zawng te credit support hian tuam chhuah hman vek tum a ni tih a sawi a. Hemi atan hian NABARD chuan kum 2009-10 chhung atan sector thlan chhuah bik neiin credit programme hi Agriculture leh a kaihhnawih eizawnna bik tan vaibelchhe 53.29, Non-farm sector tan vaibelchhe 36.54 leh sector pawimawh dang atan vaibelchhe 138.76 a ruahman thu a tarlang bawk.
Agriculture Minister chuan NER Vision 2020 in hmarchhak bial hmasawnna tura ruahmanna a duan zingah tlangram lo neih thlak nan thlai thar rang leh hlawk zawk chin te, horticulture, floriculture leh organic farming bakah medicinal plants leh sericulture, fishery leh poultry etc. lamah nasa zawka hma lak te, thlai vawn thatna hmanraw tih changtlun lama tan lak te, handloom leh handicrafts tih hmasawn te chu ngaih pawimawh bik a ni tih tarlangin hemi lam khawihtu sorkar department te leh bank hrang hrang ten he vision document thil tum hi a taka chantir turin hmalakna tur an duan a, an thawh ho a pawimawh a ti a. Mizorama kut hnathawktute khai chhuah nan Bank hrang hrang ten anmahni branch tinah customer service tha zawk an buatsaih a, loneitu ten an hnen atanga awlsam zawka sum an puk theihna tur ruahman leh kum 2010-11 ah chuan loneitu zawng zawng ten Kisan Credit Card an hman theih vek na tura hma lak a pawimawh tih sawiin bank hrang hrang te chu NGO te nen tang rualin Self Help Group te hamthatna tur kawng dap a, anmahni tanpui turin a ngen a. Loneitute hmathatna programme hrang hrang te chuan Mizoram kil tin a dap chhuah theih nan uar zawka puanzar leh inzirtirna neih a pawimawh thu pawh Minister chuan a sawi bawk a ni.
He Seminar ah hian NABARD buatsaih State Focus Paper leh Self Help Group te hlawhtlinna Documentary film chu Minister hian a tlangzarh a. R.K Deb Barman, AGM, NABARD chuan State Focus Paper sawi fiahin presentation a neih bakah Financial Inclusion tih thupui hmangin D.K.Das, AM, NABARD in presentation a nei bawk a. Seminar ah hian Mizoram chhunga Bank hrang hrang hotute, Sorkar department pawimawh te, Corporation hotute leh NGO hruaituten State Credit awmze nei zawka kalpui dan tur sawihona an nei a ni.
Agriculture Minister chuan NER Vision 2020 in hmarchhak bial hmasawnna tura ruahmanna a duan zingah tlangram lo neih thlak nan thlai thar rang leh hlawk zawk chin te, horticulture, floriculture leh organic farming bakah medicinal plants leh sericulture, fishery leh poultry etc. lamah nasa zawka hma lak te, thlai vawn thatna hmanraw tih changtlun lama tan lak te, handloom leh handicrafts tih hmasawn te chu ngaih pawimawh bik a ni tih tarlangin hemi lam khawihtu sorkar department te leh bank hrang hrang ten he vision document thil tum hi a taka chantir turin hmalakna tur an duan a, an thawh ho a pawimawh a ti a. Mizorama kut hnathawktute khai chhuah nan Bank hrang hrang ten anmahni branch tinah customer service tha zawk an buatsaih a, loneitu ten an hnen atanga awlsam zawka sum an puk theihna tur ruahman leh kum 2010-11 ah chuan loneitu zawng zawng ten Kisan Credit Card an hman theih vek na tura hma lak a pawimawh tih sawiin bank hrang hrang te chu NGO te nen tang rualin Self Help Group te hamthatna tur kawng dap a, anmahni tanpui turin a ngen a. Loneitute hmathatna programme hrang hrang te chuan Mizoram kil tin a dap chhuah theih nan uar zawka puanzar leh inzirtirna neih a pawimawh thu pawh Minister chuan a sawi bawk a ni.
He Seminar ah hian NABARD buatsaih State Focus Paper leh Self Help Group te hlawhtlinna Documentary film chu Minister hian a tlangzarh a. R.K Deb Barman, AGM, NABARD chuan State Focus Paper sawi fiahin presentation a neih bakah Financial Inclusion tih thupui hmangin D.K.Das, AM, NABARD in presentation a nei bawk a. Seminar ah hian Mizoram chhunga Bank hrang hrang hotute, Sorkar department pawimawh te, Corporation hotute leh NGO hruaituten State Credit awmze nei zawka kalpui dan tur sawihona an nei a ni.
