Kolasib leh Mamit District pahnihte chu Integrated Cluster Development zawnga kalpui turin NABARD chuan heng district khua thlan bikte tan hian Detailed Project Report siam hna a thawk mek a. Hemi bawhzui tura ruat NABCONS atanga lokal Pu Waman Kulkarni, TPE, BAIF, Pune leh Dr.  P.M. Ghole, General Manager, NABARD te chuan vawiin khan NLUP line department Director leh Nodal Officer te nen Agriculture Committee Room-ah inkawmhona an nei a, DPR siam tura an hnathawh dan tur tlangpuite sawifiahin thla li chhunga zo fel hman tura an inbeisei thu an sawi. NABARD in hetianga DPR a siam atang hian NLUP bakah hmasawnna hnathawh nan NABARD atangin sum dawn belh theih a beiseiawm hle a ni. Thingtlang mite nun leh dinhmun zirchiang tura an thawhnaah NLUP line department hotute tawiawmna an sawm a, hlawk leh tangkai taka hmalak chhoh dan turte an sawi ho. Hetianga hmalakna atang hian Kolasib leh Mamit district te chu Cluster dangte tan Model Cluster ah siam tura ruahman a ni.