Khawvel in a man tlawm avanga a ngaihven em em TATA Motors siam Nano car, a hmasa aia chak zawk leh tha zawka siam – Nano 2012 Edition tih vuah chu vawiin khan Sports Minister Pu Zodintluanga’n National Business Enterprise Showroom Khatla-ah a tlangzarh.
Nano 2012 hi a hmasa aiin a power leh torque a sang zawk a, a model hmasa a petrol litre khat zelah kilometre 19 tlan thin kha, a engine ti danglamin a thar hi chuan petrol litre khat zelah kilometer 25 a tlan tawh a ni. NBE te hian Mizoram Nano 130 vel an hralhchhuak tawh a ni.
