No.5857/2020-2021

Kolasib 7th October 2020: Vawiin chhun khan Nasha Mukti Bharat Awareness campaign chu Kolasib I&PR conference hall-ah hman a ni a, Pu Lallawmawma, Addl. DC, Kolasibin hmanpuiin Pi Lalnunmawii, Superintendent, Jordan Centre, Sethawmin hun a kaihruai a, Pi Baby Lalrinhluii, Case Worker in campaign kalpui dan tur sawi zauna hun a hmang bawk a ni.

Nasha Mukti Bharat Awareness campaign hi Ministry of Social Justice & Empowerment kaltlangin India ram puma district 272 ah kalpui tur a tih a ni a. Mizoram bik ah hian district pathum, Aizawl, Kolasib leh Champhaiah te kalpui a ni.

District pathum ah hian Peer Volunteers 50 an awm a, anni hmang hian damdawi hmansualna lak a fihlim turin Social media kaltlangin khawtlangah zirtirna an pe ve thung dawn a ni. Kolasib District chhunga Peer volunteer te hian ruihlo timek ten kawng dik an zawh theihna tur a counseling neihpuite, ruihhlo la tilo thalai timai thei dinhmuna dingte kawng dik an zawh theihna atan zirtirna an pe thin dawn a. A tul dan azirin harsatna bik neite pawh counsellor hnenah an hruai thin ang a, home a dah ngai an awm pawhin a rem chan dan ang zelin hma an la thin dawn a ni.