State Level Committee on National Award for Disabled Persons chuan vawiin khan Chairperson Pi B.Sairengpuii, Secretary, Social Welfare department hovin a office-ah pianphunga rualbanlo te tana National Award dil chungchang an sawi hova. Kumin a diltu awm chhun, Pu R.Thanga, Founder President, Samaritans Association for the Blind chu Committee chuan nominate an remti tlang a ni.
Social Welfare department hnuaiah hian pianphunga rualbanlo, hna peng hrang hranga entawn tlak te bakah mi hnuaihnung zawkte chawikan kawnga  thawk tha te tan kum tin National Award chi hrang hrang dil theih a awm a. Dawng tlak awm tak tak zingah chinchang hriat loh vanga diltu an awm thin loh avangin Committee chuan hemi kawngah hian zau zawka in hrilh hriat a pawimawh thu pawh sawi hovin nasa zawka tan lak tul an ti hle a ni.