Vawiin khan National Bamboo Mission, Mizoram Branch chuan PCCF Hall, Tuikhuahtlang-ah meeting an nei a, Divisional Forest Officer leh Range Officer te hmun hrang hrang atangin 60 chuang an tel a ni.
He meeting hi Pu Lalthangliana Murray, State Mission Director, NBM, Mizoram chuan kaihruaiin NBM hnuaiah kumin atan cheng vaibelchhe 17.5 hmuh a nih thu leh heng pawisa te hi mau plantation siam nan te, industry tihchangtlun nan te leh training-na atan hman tur anih thu sawiin sorkar hmalakna a zarah India state zingah Mizoram-in fund a hmuh tam ber thu a sawi. Heng sum hmuh te hi dik leh tha taka hmang turin Forest Field Officer te a chah a, mipuite tana tangkai thei ang ber tura ngaihtuahna seng turin a fuih bawk.
Pu Rosiama Vanchhong, CCF (Admn) chuan officers lo kal khawm te hi NLUP an thawh dan leh hmalak zel dan tur a hrilhfiah a. Divisional Forest Officer tin ten an area chhunga hma an lo lak tawhna leh an hmalak zel tur phochhuahna power-point presentation hmangin an nei vek a. DFO te hi Pre-Fabrcated Green House (portable) sem theuh an ni a, heng remkhawm dan zirin tlaiah Sairang Nursery-ah training pek an ni.
Dr. S.S.Gabryal, PCCF leh Chairman, State Bamboo Steering Committee ni bawk chuan he meeting kharnaah fuihna thu tha tak tak sawiin state dangte entawntlaka hna thawk turin field staff te a ngen bawk a ni.
Pu Rosiama Vanchhong, CCF (Admn) chuan officers lo kal khawm te hi NLUP an thawh dan leh hmalak zel dan tur a hrilhfiah a. Divisional Forest Officer tin ten an area chhunga hma an lo lak tawhna leh an hmalak zel tur phochhuahna power-point presentation hmangin an nei vek a. DFO te hi Pre-Fabrcated Green House (portable) sem theuh an ni a, heng remkhawm dan zirin tlaiah Sairang Nursery-ah training pek an ni.
Dr. S.S.Gabryal, PCCF leh Chairman, State Bamboo Steering Committee ni bawk chuan he meeting kharnaah fuihna thu tha tak tak sawiin state dangte entawntlaka hna thawk turin field staff te a ngen bawk a ni.
