4265/2025-2026

Dated Serchhip, the 3rd February, 2026: New Delhi-a National Defence College-a Officer rual 17 te chuan Serchhip District tlawhin nimin khan Thenzawlah hmun pawimawhte fanpui an nih hnuah vawiin khan Serchhip an tlawh a. DC Pu Paul L Khuma hoin DC Pisapui Hall-ah Serchhip District-a official te leh tlawmngai pawl hruaitute nen meeting an nei a ni.

Vawiin DC Pisapui Hall a meeting neihah hian Serchhip District dinhmun tlangpui te, sawrkar hmalakna te, tourism lam hawi te, agriculture leh horticulture kaihhnawih hmalakna te, rural development lama hmalakna te, zirna dinhmun te, police leh dan leh thupek kengkawhtute hmalakna te bakah thil pawimawh dang te powerpoint hmanga hrilhfiah leh entir an ni a. Sawihona hun te, zawhna leh chhan hunte hman nghal a ni bawk.

Meeting neih zawh hnu hian Zawlpui Zau, Serchhipah National Defence College team te hi hruai an ni a. District Horticulture Officer Pu R Lalrintluanga leh a thawhpuiten an tawiawm a; thlai leh chawhmeh thar kawnga Serchhip mipuite leh sawrkar hmalaknate a hmunah an fanpui a ni.

Thenzawlah hian Tualvungi Vengah Anganwadi Centre tlawhin he hunah hian Pi Caryl Lalpari CDPO Serchhip leh a thawhpuiten lo dawngsawngin, inkawmna hun an hmang a. Hemi hnu hian Govt. Thenzawl High School tlawh lehin, Thenzawl SDEO Pi Melody L Betlu bakah zirlai leh zirtirtute nen an inkawm a ni.

Heng bakah hian Handloom Cottage Industry, Venghlun ah MV Handloom an tawh bawk a, he hunah hian Pi Lalchhanhimi EO Serchhip leh DCIO, Commerce & Industries Deptt. in alo dawngsawng a. Hemi hnu hian Integrated Ayush Hospital tlawh lehin thawktute nen inkawmhona an nei leh a ni.

66th National Defence College course for Understanding India Study Tour (UIST) nei mek, Serchhip tlawha lo kalte zingah hian India ram hmun hrang hrang atanga officer te bakah Germany, Maldivies, Morocco,Russia leh Nepal atang te in an rawn kal a ni.