Vawiin chawhnu khan District Co-ordination Committee for National Hearing Awareness Campaign Fortnight, Lunglei buatsaih chu District Institute for Education and Training(DIET) Lunglei ah hman ani. Dr. SR. Ngurchamliana, Medical Superintendent, Civil Hospital, Lunglei chuan khuallian niin a hmanpui. Kumin thupui chu” Don’t Let Hearing Loss Limit You”.

National Hearing Day inkhawm hi Pu PC Lalhmunsiama , DPM, NHM, Lunglei in kaihruaiin Dr.SR. Ngurchamliana chuan Ministry of Health & Family Welfare Department , Govt. of India hian National Health Mission hmangin National Programme hrang hrang duan chhuah zinga National Programme for Prevention & Control of Deafness hi a pawimawh hle ani ati. Mizo te hi kawng hrang hrang ah kan changkang hle tawh a, literacy rate ah phei chuan India ram a sangber dawttu kan ni a, mahse kan taksa hi kan enkawl uluk tawklo vangin natna tam tak kan tuar mek ani, kan mit leh beng te hi kum alo upat chuan bengchhet leh fiah tawklo a awm thin a, mahni inenkawl that leh that loh ah thui tak a innghat ani ati. Kan taksa duat dan zir angaiin hunbi dik taka thil ei a, mut a, thawh leh te, exercise lak te a pawimawh hle ani a ti. Mi thenkhat vanduai vanga naupanlai atangin ri hriatna thalo nei an awm, nu leh paten kan fate hetiang an awm chuan Doctor ah panpui vat tur ani a ti bawk. Ri hriatna lama harsatna neite tan pawh mi pangngai dangte ang thovin thil hrang hrang atih ve theih tho dan a awm ani tih hriat a tha, I fa te kha bengngawng anih pawhin indawmkun mai lovin tanpui theitu che hnenah kalpui la, naupang dang tih theih ang tive thei tho turin a siam thei ani.

Dr. Lalhmachhuana Hmar, MS ENT/HOD, NPPCD Civil Hospital, Lunglei in WHO chhutdanin khawvelah mihring 460 million bengchhet an awm a, kum 2050 ah chuan 900 million kan awm ang ati. Bengchhet hian mihring ah nghawng tam tah a nei a, sum sen, zirna khawihbuai leh hnathawh na a harsatna thlen bakah mimal leh chhungkua ah inbiakpawh na ah harsatha a thlen a. Naupiang bengchhet hi 60% chu a ven thei ani a ti.

Ri hriatna lama harsatna neite tan special clinic buatsaih nghal ani bawk.