2012/2025-2026

Kolasib, Dated the 22nd October, 2025: Tunlai hian Kolasib District huam chhung National Highway kawng chhia avangin lungawilohna lantira kawngpui danchah tumin Mizoram Tipper Association (Driver’s & Owner’s), District Hqrs. leh JAC Coordination Committee, Kolasib ten ni 23.10.2025 atanga 26.10.2025 thleng awh turin hma an la mek a. Hemi chungchangah hian theihtawp chhuahin NHIDCL hotute leh contractor te pawhin hma la in siamthat hna an thawk nghal mek a, hetianga theihtawp chhuaha kawng tha lo lai pawh siam a nih mek laia kaltlang pui luih an tumna hi mipuite tana harsatna nasa tak thlena buaina lian zawk ti chhuak thei a nih avangin mipuite venhimna leh kan that tlanna ngaihtuah a tul a. Kolasib District huamchunga Bairabi – Kolasib highway, Vairengte – Khamrang highway leh Kawnpui – Durtlang BRO, KDA road dan kalha dan chah hi Section 126 BNSS 2023 leh Section 8 (B) of National Highway Act, 1956 dan kalh tlat a ni a. Ni li chhung Zoram pum ei leh bar lakna kawng dan pin hi mipui te tawrhna nasa tak thlen thei anih avangin mipui kan him tlanna tur leh harsatna nasa zawk kan tawh lohna turin khapna thupek Pi B. Malsawmtluangi, Addl. District Magistrate, Kolasib District, Kolasib chuan Section 163 of Bharatiya Nagarik Suraksha Sanhita 2023 in thuneihna a pek angin a hnuaia mi ang hian thupek a chhuah:

1.         Mi tumahin mimal leh pawl, intelkhawm leh inzawmkhawm anga action committee din chawp emaw pawhin kan eibar lakna kawngpui Bairabi – Kolasib, Vairengte – Khamrang leh Kawnpui – Durtlang te engvang mahin an dangchat (block) tur a ni lo.

2.         A chunga kawngpui kan tarlan te atanga metre 10 huam chhungah Dan lo a (unlawful assembly) mi panga aia tam awmkhawm phal a ni lo.

He thupek hian Dt.23.10.2025 (Ninga Ni) atanga thuleh awm hma chuan thla hnih chhung a huam ang.

He thupek bawhchhia chu Section 223 of Bharatiya Nyaya Sanhita 2023  hmangin hrem an ni ang.

He thupek hi Vawiin 22.10.2025 hian Court Seal nen nemnghetin hming a ziak hnan a ni.