Nimin Dt 14.3.2009 tlai dar 3 : 30 khan National Human Right Commission atangin member pathum Shri Satyabrata Pal, Member, National Human Right Commission, Shri Y.L. Thekhre, Director (Research) leh Smt Mamta Singh, S.S.P. ten Saiha an rawn thleng

 

 

Heng National Human Right Commission member te hian vawiin khan Superintendent of Police Office an tlawh a, an dinhmun te zirchiangin an harsatna tawh hrang hrang leh dan leh hrai kenkawh chungchanga an harsatna tawh te a hmunah an en a, hemi hnu hian Saiha Meisatla venga Anganwadi Centre chu tlawh leh nghalin he hmuna naupang enkawlte hian an chanvo diktak an dawng em ?  Naupangte enkawl an nih dan tur angin enkawl an ni em ? tih te an enfiah nghal bawk a ni. Mesatla-ah hian District Jail tlawh nghalin mitang te dinhmun diktak leh an harsatna tawhte leh an enkawlna tura hmalakna tur awm thei leh an hriselna dinhmun te an zawt bawk ani.  Heng Commission Member te hian College veng a “Hnuchham chawmna in” Evengelical Church of Maraland “ Nu Pawl “ ten an enkawl mek pawh tlawh leh in he hnuchham chawmna hmun ah hian tun dinhmunah naupang 18 enkawl mek an ni a, naupangte an enkawl dan leh khawi atanga an lak nge tih te leh sum leh pai khawi atanga an dawn nge, an lo puitlin huna an enkawlchhoh zel dan turte an zawt a, he hmuna thawkte hian chhangin an harsatna hrang hrangte pawh Commission hnenah hian an lo thlen nghal bawk a ni. Heng Commission Memberte hian Mara Autonomous District Council hotute kawmna M.A.D.C. Forest Hall-Saiha-ah an nei nghal a, he inkawmna hi Pu F.C. Zase, Chairman, M.A.D.C. chuan a kaihruaia, Commission memberte hnenah an harsatna tawh hrang hrang te sum leh paia an dinhmun that tawk loh zia te leh an harsatna tawhte sawi langin an harsatna tawhte sutkianna kawng a theihtawp a tan lakpui turin a ngen nghal bawk a ni. Heng Commission Member te hian vawiin vek hian mipuite dinhmun zirchiang turin Phura lam an pan leh nghal dawn a ni.