Saiha Distict a cham mek National Human Rights Commission Member pathum Shri Satyabrata Pal, Member, N.H.R.C., Shri Y.L. Thekhre, Director, (Reasearch) leh Smt Mamta Singh, Sr. S.P. te chuan Saiha District a Phura khua an tlawh hnu in Saiha an lo let leh a, vawiin Dt 17.3.2010 chawhma dar 9 : 15 khan D.C.s Conference Hall, Saiha-ah  District chhunga mipawimawh hrang hrang te kawmna hun neiin “ Workshop on Human Rights Awarness “ an hmanpui nghal a ni.

 

 

He Workshop hi Pu Kunal, IAS, Deputy Commissioner, Saiha chuan a kaihruaia,  Pu Kunal chuan “Human Rights” tih awmzia sawifiahin mihringte dikna leh chanvo humhalh a pawimawhzia  a sawi a, mihringte dikna leh chanvo hi India danpui chuan  a humhalh tlat ani, a ti bawk.

He Workshop rawn hmanpuitu Pu Satyabrata Pal, Member, N.R.H.M., chuan thu sawiin India ram pumah District 28 thlanchhuahte Human Rights chungchang ah endik hna an thawh thu sawiin National Human Rights Commission  chuan a tum ber chu dikna leh chanvo kan neihte hi mitinte hriattir hi a ni, tiin mipuiten Civil leh Political Rights kan neih bakah Cultural Rights kan neihte hi India danpuiah a chuang vek a, dan leh hrai chungchang ah mitin ten kan dawn tur ang leh kan chan tur ang te kan dawnglo a nih chuan kan endik zel dawn ani, a ti bawk. Ram inrelbawlna kawngah chanvo kan neih tur ang te mipuiten kan dawng lo ani, tiin Mara Autonomous District Council hian sum lamah harsatna nasa tak a tawk a, he harsatna hi engtinge kan sutkian ang tih kan ngaihtuah tlan a tul ani, tiin ngaihdan thuhmun neia rilru hmunkhat pu tur leh hmasawnna kawnga ke pen dan tur ngaihtuah tlang thin turin kalkhawmte chu a ngen bawk a ni.

He hun a kalkhawm te hi Group hrang hrang ah inthenin Thupui thlanbik sawihona hun an nei a,heng an thupui sawihote hi khaikhawmna  hun hman leh a ni a, zawhna leh chhanna hun pawh hman nghal a ni.