2952/2023-2024

Aizawl, 05.12.2023: National Institute for Locomotor Disabilities( NILD) leh SCERT, Chaltlang, buatsaihin SCERT auditorium ah vawiin khan Rualbanlote Ni (International day for Persons with Disabilities) hman a ni.

He hunah hian Pi Vanlaldiki Sailo, Commissioner (PWDs) chu khuallian niin hun a hman pui a. Thusawiin rualbanlote dikna humhalh leh an talent te haichhuah sak zel a pawimawh zia a sawi a. Sorkar hna in a daih dawn loh avangin Private sector a thawk turin Rualbanlote buatsaih zel a tul zia a sawi bawk. Commissioner chuan Rualbanlote hian kawng hrang hrang ah hma an sawn a, chu tih mek lala nuihza slam nan leh fiamthu thawh nan a hmang an awm a nih chuan Commissioner PWDs hnenah complaint theh lut a, an niin rang taka hma an lak tur thu a sawi a. Danin a humhalh tlat avangin ruaibanlote hi him tak leh hlim taka nun an hman a pawimawh hie a ni tih a sawi bawk.

Pu Nicky, Secretary, Federation for Disabled organisation Leh Pu Lalbuatsaiha, Advisor, Mizoram Blind society ten kalkhawm te fuihna thu an sawi. Rualbanlo aiwh NGO hrang hrang leh Special School hrang hrang te an tel a. Shining Star School, Redeem Garden School, Ephatha Special School, Special Blind School, Differently Abled Society leh Mizoram Blind Society ten zai leh lam hmuhnawm tak tak an entir a ni.

He hunah hian Khuallian hian wheelchair semna hun a hmang bawk a ni. National Institute for Locomotor Disabilities (NILD) te hian rualbanlote tan hmalakna hrang hrang an kalpui a, wheelchair, cp chair, bengdar, ke lem, kut lem, tiang chỉ hrang, hrang leh MR kit te a mamawh te hnenah an sem chhuak thin ani