Ministry of Youth Services hnuaia branch Nehru Yuvah Kendra, Mizoram Zone-in Youth Hostel, Luangmual a buatsaih National Integration Camp ni 18th November 2009 a tan chu vawiin khan khar a ni. He kharna hun hi Sports and Youth Minister Pu Zodintluangan a hmanpui.
Minister chuan National Integration Camp buatsaih a ni chu lawmawm a tih thu a sawi a, NYK chu India ram hmun hrang hranga thingtlanga thalaite tana buatsaih a nih angin thingtlang mite tan a pawimawh hle a ni a ti. India rama hnam chi hrang hrangten inpumkhatna tha kan neih dawn chuan hnam hrang hrang te nunphung leh ningkhawng kan inhriattawna kan inzirtawn hi a pawimawh a ni a ti. Chutiang atana National Integration Camp buatsaih a ni chu hlawk thlak hlea a hriat thu a sawi a ni.
NYK hian kawng hrang hrangah hma a la thin tawh a; zirna tihhmasawnna kawngah te, sports leh hriselna tihchangtlunna kawngah te tha a lo tawh tawh thin a ni. India ramah hian thalai kum 15 leh kum 35 inkar, 75% te chu thingtlanga khawsa an nih avangin NYK hian pawimawhna lian tak a nei a ni a ti bawk. Integration Camp hian hnam hrang leh chi hrang te inkawmhona hun tha tak a pe a, midang culture zirna hun remchang a siam bawk avangin awlsam takin hnam leh hnam inkarah inhriatthiamna a thlen a ni a ti bawk.
Vawiina khar tak National Integration Camp ah hian state hrang hrang panga atangin an lo kal khawm a. Nagaland atangin 19, Manipur 10, Tripura 10, Assam 10 leh Mizoram atangin 52. An zavaiin 101 an tel a ni.
NYK hian kawng hrang hrangah hma a la thin tawh a; zirna tihhmasawnna kawngah te, sports leh hriselna tihchangtlunna kawngah te tha a lo tawh tawh thin a ni. India ramah hian thalai kum 15 leh kum 35 inkar, 75% te chu thingtlanga khawsa an nih avangin NYK hian pawimawhna lian tak a nei a ni a ti bawk. Integration Camp hian hnam hrang leh chi hrang te inkawmhona hun tha tak a pe a, midang culture zirna hun remchang a siam bawk avangin awlsam takin hnam leh hnam inkarah inhriatthiamna a thlen a ni a ti bawk.
Vawiina khar tak National Integration Camp ah hian state hrang hrang panga atangin an lo kal khawm a. Nagaland atangin 19, Manipur 10, Tripura 10, Assam 10 leh Mizoram atangin 52. An zavaiin 101 an tel a ni.
