No.7149/2020-2021

Vawiin khan Pu R. Lalramnghaka, Deputy Commissioner leh Chairman, District Water & Sanitation Mission, ni bawk hovin National Jal Jeevan Mission Team leh District Water & Sanitation Mission member ten a pisa-ah meeting neih a ni.

Pu R.Lalramnghaka chuan Aizawl District chhunga Jal Jeevan Mission (NJJM) hnuaia hmalak dan chipchiar takin report a pe a,  Aizawl District chhung a thingtlang khua in zawng zawng 45% vel Tui
Connection pek mek anih tawh thu te leh 55% vel hmabak anih thu a sawi. District chhung a Department hrang hrang te tanrualna a that thu sawiin PHE Department, Rural Department leh Local Administration Department te nen pawh Convergence hmanga thingtlang khua engemaw zatah hmalakna kalpui mek anih thu a sawi a ni.

NJJM Team te hian Aizawl District chhung a JJM kalpui dan a tha an tih thu leh endikna khua an tlawh te pawh a lungawithlak thu sawiin chak lehzual a hmalak zel anih theih nan thurawn hrang hrang te sawiin theihtawp an lo chhuah zel tur thu an sawi bawk a ni.

National Jal Jeevan Mission Team te hi Shri Santosh R, Assisstant Adviser (PHE)-Team Leader hovin member pali niin 11th January 2021 ah Aizawl an lo thleng a. District hrang hrang Lunglei, Serchhip, Kolasib leh Mamit te an tlawh hnu ah 13th January 2021 khan Aizawl lo lut lehin vawiin 14 January 2021 hian Aizawl District chhung a khaw panga - Muthi, Samtlang, N Lungleng, Sailam leh S. Maubuang ah te Jal Jeevan Mission hnuai a hnathawh hrang hrang te endikin hun an hmang a ni.

Jal Jeevan Mission hi Pu Nerendra Modi Hon'ble Prime Minister chuan 15th August 2019 khan India ram pumpuiah kalpui tur a lo puang tawhin he Mission hnuaiah hian kum 2024 ral hma ngeiin thingtlang khua in tinah Tui Connection Functional Household Tap Connection (FHTC) pek tur a ruahman a ni. Mizoramah pawh PHE Department kaltlangin he Mission hi chak taka kalpui mek niin India ram state hrang hrang zing a a titha pawl kan nichho mek ani.

Attachment

  • Loading attachment...