Kolasib district a thingtlang hmasawnna tura Centrally Sponsored Scheme (CSS) hnuaia hmalakna hrang hrang endiktu National Level Monitoring Team te chuan an thil hmuhdan tarlanga sawihona hun vawiin khan DC Conference Hall, Kolasib-ah District Bawrhsap Pu H.Lalengmawia hovin neih a ni.

NLM Team te hian Centrally Sponsored Scheme (CSS) viz; MNREGA, IAY, IWMP, Swachh Bharat Gramin, NRDWP leh NSAP hnuaia hmalakna te enin Kolasib district chhunga khaw thlan bik sawm an tlawh a. Dr.Amit Rahul, NLM official chuan hnathawh tha tak tak hmuh tur awm kara hnathawh dan mumal taka ziaka dahthat a awm tha tawklo chu pawi a tih thu a sawi a. Scheme hrang hrang hnuaia hmalakna a tha tawk nge tawklo teh tura social audit mumal neih a ni thin lo chu pawi a tih thu sawiin, hemi kawngah hian Village Council hruaitu te leh Department ten thawhhona tha zawk nena inzirtirna leh inhrilhhriatna hun hmang thin se a duh thu a sawi. Khaw hnufual bik te chawikanna a tan heng scheme hrang hrang te hi hman tangkai zual a nih a beisei thu a sawi bawk. A tlangpuiin hmalakna te tha an tih thu a sawi tel bawk.

Vawiin meetingah hian scheme tarlan tak khawihtu department te telin, an hnathawh dan te sawiho a ni.