Ni thum chhung awh tur National Level Workshop on Indo - Israel Citrus Cluster chu Centre of Excellence for Fruits Lungleiah vawiin khan neih a ni a. He workshop hi Pu Vanlalnuntluanga Renthlei DHO Lungleiin a kaihruai a ni.

Pu Brihama Dev, Project Officer, MAHSAV, Embassy of Israel, New Delhi pawhin haenna thu sawiin India Prime minister chuan Israel leh India ten Ser chhinna bikah thawh dunna an siam hian rah duhawm tak a chhuah mek a ni tiin chumi zulzuia workshop siam a ni chu hmasawnna nasa tak pakhat a ni a ti.

Workshop a resource person Pu Dov Rabber, Israel Citrus Expert pawhin kan thiamna hi midangte tan kan hlan chhawng anga, chu chuan hmasawnna rah duhawm tak a chhuah dawn a, chutiang tur chuan Official Trainees te pawhin kuthnathawktute tan kan rilru sukthlek kan tihdang lam a pawimawh hle a, he workshop hi kuthnathawktute tan hlawkna nasa zawk thlentu a nih theih nan taihmak kan chhuah leh zual a ngai a ti bawk.

Vawiin lam khan Pu Dov Rabber a kaihhruainain nursery enkael dan dik leh Centre of Exvellence hmuna Ser chinte a tangkai dan tur leh a hlaekna mipuiin an tel theih dan hrang hrang zir ho a ni.  Heibakah hian COE hmuna thlai chin hrang hrangte a hmunah enin a tul angin a enkawldan dik a zirtir nghal bawk. Vawiina workshop ah hian Mizoram chhung Dist. hrang hranga Horticulture Extention Officer leh Official paeimaeh dangte an tel a, an ni hian an thil zirchhuahte hi dist. hrang hrang a kuthnathaekyute hnenah an zirtir chhawng veleh dawn a ni.

Vawiina trainingna hmun Centre of Excellence for Fruits hi Haulang leh Mualthuam N' inkara awm a ni a, Sawrkar laipui sum cheng nuai 900 senga din niin 2015 atang khan bultan a ni a, tunah hian hna za zela 90 zawh tawh a ni a, Ser bakah dragon fruits te tam tham taka chin mek a ni.