Vawiin khan Kulikawn YMA Hall-ah 31st National Nutrition Week Tlangnuam ICDS Project bul tumin hman a ni. National Nutrition Week hi India ram pum ah September kar khatna (1st Week of September) apiangin kum 1981 atang khan hman chhoh tan a ni a. Thupui (theme) hi kumtin thlan bik neih a ni a, kumin a Nutrition Week atana thupui chu ‘Nutrition Awareness- key to a Health Nation’ tih a ni.

He week puala inkhawm hi Pi B. Thangseii, CDPO in a kaihruai a, thupui thlan chhuah bikte sawina leh zirtirna hun mithiam bik ten an nei a. Live Demonstration ei leh in tha siam dan buatsaih dan Pi K. Lalrammawii, Instructress Anganwadi Training Centre leh Pi Rimawii SHG Maubawk ten a takin an entirin an buatsaih a. Tlangnuam ICDS Project hnuai a mi 100 thlan chhuah ten an hlawkpui hle.