Vawiin chawhma dar 11:00 khan Census Operations aiawhte chuan National Population Register (NPR) chungchang leh a kalpui dan tur chungchangah Aizawl Town Charge 6 leh Charge 7 a mawhphurtute tan training DC Aizawl Committee Room-ah an buatsaih.

National Population Register (NPR) second phase ah hian ram chhunga cheng zawng zawng kum 5 chin chunglam chu chhinchhiah vek tur a ni a. Hetah hian hmel pum lang thei thlalak, mit naute pahnih leh kut zungtang zawng zawng zia thlalak a chhinchhiah a ni ang a, hei hi mihring nihna (identity proof) ah hmangin fel takin record vek a ni ang a, Aadhar Card siam nan hman tur a ni a, hei hi sawrkar scheme a hamthatna dawnna tur card pawimawh tak a ni a. NPR second phase hi nikum 5th October, 2013 khan tan a ni a, Aizawl District ah charge pahnih ah zawh tawh a ni.