Mission Organic Value Chain Development (MOVCD) for North Eastern States hmalakna in vawiin atang khan ni hnih awh tur (4-5 October) National Programme for Organic Production chu Aijal Club Conference Hall-ah tan a ni.

He training hawnna inkhawmah hian Dr.C. Lalzarliana, Agriculture Director chu khuallian niin, Organic Certification hi India rama Company hrang hrang ten thawh an chak laiin kan Mizoram Sorkar hotuten chuan kan loneituten Organic Farming kalpui dan chung chang inzirtirna mumal leh hriatthiam awlsam zawk an neih theih nan Mizorama Agriculture mithiam te kut a hlan chu tha zawk a hriat avangin, Mizoram Agriculture hnuaia ATMA (Agricultural Technology Management Agency) kutah dah anih thu a sawi a. Khuallian chuan training tura kal te chuan thahnem ngai tak leh hlawhtling tum turin a fuih a, Organic Farming kalpui dan ah loneitute hrilhfiah thei tur leh a nih dan tur ang tak a Certification pawh ti tur in a chah bawk.

Vawiin hun hi Dr. H. Saithantluanga, Mission Director (CEO) chuan a kaihruai a. Dr. AK Yadav, Senior Consultant, APEDA (Agricultural and Processed food products Export Development Authority) leh Dr. Ibomcha Singh ten zirtirna an pe chhunzawm a ni. He training-ah hian Mission Organic Scheme a hmalatute District paruk atangin Project Director te leh Dy. Project Director ten nen mi 35 an tel a. Naktuk 5th October 2016 ah training hi zawh a ni ang a, trainees-te hnenah Certificate hlan a ni ang. Agriculture Department hian kumin 2016 chhungin Mizoramah Aieng leh Mizo hmarcha te (Bird’s Eye Chilli) beihpui a thlak dawn a, hemi atan hian ram 2730 Hectare a zau buatsaih tan tawh a ni.