1697/2022-2023
Aizawl, the 24th August 2022: Vawiin chawhnu khan Conference Hall, Directorate of Sports & Youth Services, MINECO-ah National Sports Day hman dan tur Pu TC Pachhunga, Ex-MLA, Vice Chairman, S&YS, Tourism,etc., Board hovin an rel a. National Sports Day hi kumtin August 29 apiang Indian Hockey khel thiam hmingthang Major Dhyan Chand zahna lantir nan hman a ni thin a ni.

National Sports Day hmandan tur sawiho tur hian sports discipline hrang hranga hruaitute, NGO te leh sawrkar official te an kal khawm a. Meetingah hian Dr Lalrozama, Secretary, S&YS leh Pu Joseph H.Lalramsanga ten sawihawnna an nei hmasa a. National Sports Day chu hmang tura hriattirna a chawpchilh deuh avangin state pum huapa hman theih a ni dawn lova, Aizawl khawpuiah hmun thlan chhuah thenkhatah te he hun hi hman a ni dawn a ni.