Vawiin chawhnu dar 2:00 khan I&PR Conference Hall, Lunglei ah NTCP buatsaih seminar cum Press Meet neih a ni.

He hun hi Dr. SR. Ngurchamliana, District Focal Point, NTCP Lunglei chuan kaihruaiin Mizo te hian Vaihlo kaihhnawih avangin State dang lakah kan hmai a bal hle tawh a ni, Mizo mipuite zuk leh hmuan laka an fihlim chhoh zel hi a pawimawh tak zet avangin mipuite hnenah vaihlo leh a kaihhnawih thatlohna zirtir kawnga hma lak pui tur in Press mite chu an sawm a ni, tiin, tunah hian India rampumah Mizoram hi zuk leh hmuam a fihlim lo tamna ber pawl niin 60% lai anih thu a sawi bawk.

He hunah hian Pu ZT Vawra, District Co-ordinator, Southern Mizoram, MSTCS chuan District level household and facility survey-4 (DLHS-4) chungchang a sawi a, DLHS-4 hi Mizoramah November 2013 ah thawh tan anih thu sawiin Lunglei district ah kum 15 chin chunglam vaihlo kaihhnawih (hmuam chi) a fihlimlo Mipa 81.5% niin Hmeichhia 78.3% te niin, mipa meizu 62.5%, hmeichhia meizu 19.4% an awm thu a tarlang bawk.

Tobacco Cessation Clinic report pe tu Nl. K. Hmingthansang, Psychology, MTCP in TCC ah kum 2009-2015 inkarah client 2886 an neih thu tarlangin heng zingah hian Mipa 1495, hmeichhia  1391 an nih thu a tarlang bawk. Heng client zingah hian Mipa 24 leh Hmeichhia 18 te chuan zuk leh hmuam an sim a ni a ti. Kum 2014, January - 2015, Jaunuary chhung khan squard drive vawi 29 neiin dan bawhchhia mi 26 hrem an nih thu leh sum chawi tir tling khawm zat Rs. 4800/- a nih thu a sawi. NTCP te hian zirna In 104 ah leh Khawtlang/Vantlang zingah zuk leh hmuam that loh zia zirtirna tum 22 nei tawhin, traning/ workshop tum 26 neih a ni tawh bawk.  Zuk leh Hmuam sim duh si harsatna nei te chuan ‘Tobacco Cessation Clinic’, Civil Hospital, Lunglei Room No.11 ah zing dar 9:00AM - 3:00 PM( Mon-Fri), 9:00 AM - 12:00 PM (Sat) ah engtik lai pawhin pan theih reng a nih thu a sawi bawk.

Hun tawp lamah zawhna leh chhanna hun hman a ni a, Press mite chuan NTCP hmalakna kawngah theihtawp a  tawiawm zel an inhuam thu an sawi lang ve bawk a ni.  

Attachment

  • Loading attachment...