No.4081/2021-2022

Dated Aizawl the 23rd February, 2022:  Vawiin khan Serchhip DC Meeting Hall ah India ram pum huapa Election Commission of India in a buatsaih mek Voters Awareness Contest chungchang sawihona Pu. Lalmuansanga Ralte, MCS, Addl. DC kaihhruaia neih a ni a, he inelnaa tel turin Serchhip District mipuite chu an sawmin an ngen nghal bawk.

Election Commission of India chuan Systematic Voters Education and Electoral Participation (SVEEP) kaltlangin National Voters’ Day 2022 denchhenin he intihsiakna hi ram pum huapin a kalpui mek a. March ni 15, 2022 hmaa thehluh fel vek hman tur a ni.

Thupui chu My Vote is My Future - Power of One Vote a ni a. Category panga Quiz, Slogan, Song, Video Making leh Poster Design Contest te niin lawmman tha tak a awm hlawm a ni.

Intihsiakna hi Pawl, School, mimal tan (Professional leh Amatuer) etc., huangte a awm hrang hlawm a, a tui mite tan tel theihna a tam hle.

Intihsiakna kalpui dan tur kimchang hi ecisveep.nic.in/contest/ ah en theih a ni a. A telte chuan an thil siamte chu Voter-contest@eci.gov.in ah email hmanga thehluh tur a ni. Hrechiang duh tan Serchhip Election Branch ah zawh chian theih a ni bawk ang.