National Voters’ Day vawi 8-na chu kum hmasa lama hman tawh thin angin vawiin khan rampumah hman a ni a. Mizoramah pawh sorkar office tina hnathawk, zirna ina thawkte leh zirlaite, sorkar enkawl in leh pisa zawng zawnga hnathawkten democracy hlutna vawngnung zel tur leh boruak muanawm siam a, zalen taka inthlanna dik leh felfai hmanga mahni duhthlanna ngeia vote thlak turin thutiamna a huhovin an thawhna hmun theuhah an sawirual a ni.

Aizawl Khatla a New Secretariat bikah chuan thutiam sawirualna hi Chief Secretary in a kaihruai a, Secretariat Annexe ah LAD Secretary in a kaihruai thung a ni.