1277/2026-2027

3rd July, 2026: Vawiin khan New Delhi-ah Village Council/Panchayati Raj te tan a 16th Finance Commission Recommendation sawihona neih a ni a. Pu Rajiv Ranjan Singh, Union Minister of Panchayati Raj hoa neih he programme-ah hian Prof Lalnilawma, Minister Rural Development and Administration Department chu telin, 16th Finance Commission hnuai atanga Rural Local Bodies (RLB) tena sum an hmuh dan tur sawihona an nei.

He sawihonaah hian Prof Lalnilawma chuan RLB Performance Grant leh State Performance Grant te tha taka Mizoramin kan hmuh theih nan tihtur bitukte theihtawpa tihhlawhtlin an tum thu te, Own Source Revenue ah pawh Mizorama Village Council te chu nasa leh zuala thuam chak an nih mek thu te, Own Source Revenue atanga chhiah hrang hrang online a lakna SAMARTH Panchayat Portal pawh hmang tura Mizoram a in puahchah mek thu a sawi a. Gram Panchayat Development Plan (GPDP) atanga VB-G RAM G, SBM-G leh Scheme dangte nena nasa zawka convergence kalpui a nih mek thu te a sawi bawk.

Prof Lalnilawma chuan Ministry of Panchayati Raj in 15th Finance Commission hnuaia Mizoram in RLB tana sum a hmuh tur zawng zawng nikum Financial Year ah Mizoram in kan hmuh kim avangin lawmthu sawiin, thingtlang ah hmasawnna hna tha tak tak thawh a nih theih phah thu a sawi tel a. 16th Finance Commission hnuai atangin Mizoram sawrkar chuan thingtlang hmasawnna dik leh felfai zawk nen a Viksit Bharat @2047 kan thlen ngei a beisei thu a sawi bawk.

Prof Lalnilawma hi Pu V Lalengmawia, Additional Secretary, RD & AD Deptt leh Dr Lalngura Tlau, Director, Directorate of Local Administration leh official dangten an tawiawm a ni.