Vawiin khan I & PR Auditorium-ah Social Welfare Department leh Human Rights & Law Network(HR&LN) tangkawpte chuan 'Preview Workshop on Study of Child Sex Abuse in Mizoram' an buatsaih a. He programme kaihruaitu Director, Social Welfare Department Pi B. Sairengpuii chuan naupang te himna ngaih pawimawh a tulzia sawiin suahsualna chi hrang hrang Mizoten kan hmelhriat tam tak thu leh naupang khuaikhem chingte pawh an lo pun tak thu a sawi a. Mizoram a naupangte khuaikhem chungchang zirchianna (Study on Child Sexual Abuse in Mizoram) chu Social Welfare Dept. leh HR&LN tangkawp ten buaitsaihin lekhabu a siam a, chhuah thuai a nih tur thu a sawi bawk a ni.
Pi Rohmingmawii, Asst. Professor, PUC Aizawl chuan Mizoram naupang pawngsual leh khuaikhem tawk te chanchin zirchianna, kum 2003 atanga 2009 huam chhung a mi chu power point presentation hmanga hrilhfiahin, an kalpui dan leh an thil hmuhchhuah te a tarlang a. Naupang pawngsual leh khuaikhem tawkte chanchin bakah pawikhawihtute chanchin an zir tel thu a tarlang bawk a ni. Kalkhawmte hian sawihona hun an hmanga, rawtna te an siam nghal a ni.
He zirhona hunah hian Pi Rozami, Chairperson Mizoram Women Commission, Social Welfare Department, Police, Prison Department, Education Department, Kohhran leh MHIP aiawhte bakah Human Rights & Law Network hruaitute an tel bawk a ni.
He zirhona hunah hian Pi Rozami, Chairperson Mizoram Women Commission, Social Welfare Department, Police, Prison Department, Education Department, Kohhran leh MHIP aiawhte bakah Human Rights & Law Network hruaitute an tel bawk a ni.
