Naupang pawngsual tawktu nihna leh thlalak tarlan hi Section 23 of POCSO Act 2012 leh Section 74 of JJ(Care & Protection of Children) Act 2015 in a khap tlat a. Pawikhawihna tuartu naupang chu mitthi tawh pawh nise, a nihna thi lang thei tarlan leh thlalak phochhuah danin a khap tlat a ni.

Juvenile Justice Act, 2015 Section 74-na chuan chanchinbu, magazine, audio-visual media leh thu inthawndarhna hmanraw dang reng rengah naupang kum tlinglo chungchanga court case kal lai leh chhuichianna (investigation) kalpui mek a awmin naupang thlalak, hming, address, school kalna leh naupang nihna pholang thei thil dang reng reng tarlan a khap bur a. Naupang hamthatna tur zawk a nih chuan naupang case ngaihtuahtu Board emaw Committee emawin phalna a pe thei ang. He dan hian naupang dam lai chauh ni lovin thi tawh (deceased) chungchang pawh a huam tel a ni. Dan bawhchhiate chu thla ruk thleng jail tan emaw cheng nuai hnih (2) thleng chawi tir theih an ni ang.