Vawiin khan National Institute of Public Co-operation & Child Development (NIPCCD) Regional Centre Guwahati leh Mizoram Sawrkar Social Welfare Department tangkawp te chuan ni 4 chhung awh tur ‘Orientation Training on Integrated Child Protection Scheme’ chu I & PR Conference Hall-ah an tan.

He zirtirna hi ICPS Staff te, Child Welfare Committee member te, leh Juvenile Justice Board member te tana buatsaih a ni a. Training hi Dr S. Barik leh Mrs T. Guite, Faculty Member NIPCCD ten an pe ang.

Integrated Child Protection Scheme (ICPS) in a tum bulpui ber chu naupangte dikna leh chanvo humhalhte, naupangte chunga hleilenna tih tawpte leh naupnagte tana ‘a tha ber’ tur anga hmalaksak te a ni a. He training-ah hian Juvenile Justice te leh naupangte humhim leh venhim kawnga Police te mawhphurhna te leh naupangte tana hmalakna hrang hrangte zir ho a ni bawk ang.

Training hawna inkhawm vawiina ah neih ah hian Pi Vanlaldini. Director Social Welfare Department chu khuallian a ni a, inkhawm hi Pi Laldikkimi Deputy Director in a kaihruai a ni.