Vawiin chawhnu khan Minister of Sports & Youth Services, Tourism etc. Pu Robert Romawia Royte hovin a pisa-ah Tuirial Airfield-a NCC Academy dinna tur chungchang rel a ni.

Minister Pu Robert Romawia Royte chuan Mizoramah NCC Academy din a nih theih nan thahnemngai taka hmalak a ni tiin, Aviation Hub a awm dawn avangin India ram hmarchhak tan pawh hmasawnna ruhrel pawimawh tak a ni dawn a ni, a ti a. Ram venhimna kawngah pawh hmalam panna duhawm tak a ni, a ti a.  Meeting-ah hian Tuirial Airfield hluia NCC Academy din dan tur chungchang te, Aviation Hub changtlung tak dinna tur te, ramri chungchang leh mamawh hrang hrang sawi ho a ni.

December Ni 15, 2015 khan Cabinet Meeting chuan Tuirial Airfield hlui hi NCC Academy leh Aviation Hub dinna atana hmala turin Sports Department a ruat tawh a. Sports Department hian BSF leh CRPF nen pawh thutkhawmna an lo nei tawh a. March Ni 16, 2019 khan Sports & Youth Services Department Secretary Pu H. Lalengmawia hovin a hmun endikna neih a ni.

Meeting-ah hian Sports & Youth Services Department , Tourism Department, Land Revenue & Settlement Department hotute, Commanding Officer, NCC Air Wing te an tel a ni.