2432/2024-2025

Khawzawl, dated 8th October, 2024: Vawiin chawhnu dar 1:00 p.m khan Khawzawl District NCORD hmalakna leh bultumin Dulte-ah Awareness programme neih a ni.

He Awareness hi Khawzawl District Deputy Superintendent of Police, Pu R. Vanlalzawma'n kaihruaiin inhmelhriattirna leh fuihna thuchah tawi sawiin khuhhawnna a nei chhunzawm nghal a.

He Awareness programme-ah hian zirlai naupang mi sawmruk vel telin Dulte Govt. High School leh Dulte Govt. Middle School naupang te leh zirtirtu ten an chhim.

Pi R. Lalhmangaihsangi, Legal - cum - Protection Officer DCPU chuan Protection of Children from Sexual Offences (POCSO Act) chungchangah zirtirna neiin naupangte chu enkawl leh venhim ngai an nih avangin, puitling zawk tena hmangaihna nena zirtirna dik leh him pek chu kan tih makmawh a ni tih a sawi.

Pu Lalruatzuala Sailo, ORW/Master trainer, Cod Nerc pawhin thu sawiin, ruihhlo chu ram leh hnam hmelma, mihringte nun ti chhetu leh kan nih tur ang min nih tir theilo tu a nih avangin tih takzeta kan do a tul thu a sawi a, zirlai naupangte chu ruihhlo laka fihlim tur leh tun atanga ruihhlo ti chhin lo tur te leh ruihhlo chu do tlat turin a fuih bawk.

Narco Coordination Centre (NCORD) Khawzawl District hmalakna hnuaiah hian, Khawzawl District huam chhung a zirlai naupang zawng zawngte hnenah zirtirna/awareness nei tura hmalak mek a ni.