XXVI North East Games Aizawl a nei zawh taka Mizoram aiawha Medal la te, an Coach te leh Organising Committee te vawiin khan Mizoram Larsap Pu Vakkom Purushothaman chuan a chenna inah lawmpui nan thingpui a inpui.

Mizoram Larsap chuan medal la pha infiammite chu Mizoram tana chhuanvawr leh chawimawi phu an ni a ti a. Infiamna lama thei fal ni tur chuan pianpui thiamna neih a ngai a, chu chu tawk mai lovin a hmunhma leh uluk taka zir (training) te chu hlawhtlinna kawng a ni tiin infiamna tuipui tu Chief Minister leh Sports Minister Mizoramin a neih avanga a lawmzia a sawi chhuak a. Pu Purushothaman chuan Mizo te hian hnamzia rang pho lang thei lam leh rimawi bakah infiamna lamah theihna (talent) an nei sang hle tih sawiin hmarchhak pum huap infiamna a titha ber Mizoram Team te, an Coach te leh anmahni buaipui tu te zawng zawng lawmthu a hrilh a. Hlawhtling taka Games buatsaihrtu Organising Committee leh Committee dang peng hrang hrang te hmalaknaah Larsap chuan a lawmthu a sawi bawk.

Vawiinah hian XXVI North East Games Working Chairman, Sports Minister Pu Zodintluanga leh Vice Chairman Parliamentary Secretary Pu S. Laldingliana te pawh an tel ve a ni.