2291/2023-2024

Aizawl,the 13th October 2023: North Eastern Council (NEC) thupuangtu chuan social media leh chanchinbu ah hna chungchang emaw, training emaw leh training zawha hna hmuhsak ang chi placement agencies te advertisement reng reng chu a rintlak em, a dik em tih finfiah hmasa thin turin thalai te a chah a.

NEC hian hetiang lam recruitment drive hna lak runpui angte hi a buatsaih ngai lova, skill loan ang chi engmah a pechhuak lo bawk. Tunhnaia mai, kar hmasa khan social media leh chanchinbu thenkhata North Eastern Council (NEC) in Japan a thawk turin mi 300 sponsorship a pek tur thu leh mi 200 hnenah hotel industry atan skill loan a pek tur thu a lang a. He thu leh hetiang lam hawi thu reng reng hi thu dik lo, dik lo taka NEC hming chhala chhuah a ni tiin thalai leh mipuite chu hetiang ang laka in veng turin a chah a ni.