Mizoram sawrkar Planning Department chuan NEDP hnuaia Micro Start Up Capital Competition chungchang a hnuaia mi ang hian a sawifiah:
He Competition hi Micro Start Up Capital Competition a nih angin Guideline-ah chiang takin 'Competition a winner te hnenah cheng nuai nga emaw project proposal pawm tawh cost 50% emaw, a aia tlem zawk pek tur a ni' tih tarlan a ni a. Hei hi Competitors te hnenah chiang takin presentation an pek lai pawha hrilhhriat an ni. Chumi awmzia chu Start Up kalpui turin 50% emaw chu promoter-in sum emaw ram emaw khawl emaw a neih ve a ngai tihna a ni. Start Up Capital sum pek tur an nih avangin an firm an register ngei tur a ni a, bank account pawh an nei ngei tur a ni bawk.
Micro Start Up Capital Competition reng rengah competition zawh hnuah sum fai pe in an in sezawl chhuah mai ngai lo a, winner ten business bul an tan ngei em, hlawhtlinna kawng an zawh em, technical support pek zui an ngai em tih te enfiaha, monitor chhoh zel thin an ni. Micro Start Up Capital Competition hi Mizoram tan a vawikhatna leh thil thar anih avangin hrethiam chiah lo leh a awmzia hrelo hrim hrim an awm thei a, chuvangin hre chiang duh chuan Planning Department Department hotute zawhfiah theih reng a ni.
NEDP hnuaia Entrepreneurship Development Scheme hian component tam tak a nei a: Entrepreneurship Awareness Programme, Master Trainers Programme, Entrepreneurship cum Skills Development Programme, Institutional Support Programme, Business Plan Contest, Entrepreneurship Summit, Establishment of Entrepreneurship Centre leh a dangte kalpui mek niin kalpui zel tur a ni a. Hetiang khawpa entrepreneurship development huamzau hi state dangin an neih ve hriat a nih loh avangin IIM, Kolkata hial pawhin a thawhpui mek a ni. He Scheme hi Mizo thalaiten kawng hrang hranga an chhawr a, an chhawr zel theh nan nasa taka advertise a ni.
