Nimin khan I & PR Auditorium-ah NEDP hmanga I & PR Department buatsaih NEDP Study Tour Mizoram Journalist Association member-te Rajasthan kaltur leh Mizoram Upa Pawl, Tuirial Hydel Project tlawha kal turte chu Pu Lal Thanzara, Minister of I & PR leh Pu Vanlalvena, MLA ten an thlah.

Pu Lal Thanzara chuan Mizoram sawrkar-in NEDP sum hmanga I&PR in zinna tur MJA te leh MUP te a siamsak chu tangkai taka hman anih a beisei thu a sawi a. MJA te chu hmun ropui tak tak an tlawh turte uluk taka zirchiang a, mipui tana tangkai tur rawn paw haw ngei turin a chah bakah MUP te pawhin ram hmasawn nan a mamawh ber te zing ami kawlphetha siamna leh sorkar hma lo lak dante zir turin a chah.

Pu Vanlalvena, MLA pawhin thu sawiin hetiang vanneihna dawnga zinna hun nei theite a lawmpui thu leh sorkar hmalakna ropui tak chu chhawr tangkai turin kal turte a chah.

MJA te hian nizan dar 8 khan Delhi an thleng a, car hmangin Jaipur, Rajasthan an pan mek a, Ajmer pawh tlawh an tum dawn a ni. MJA te hi Pu Vanlalrema Vantawl, MJA Gen. Hqr. President in a hova, Pu Lalramliana Chawngte, Dy. Director, I & PR leh Pu K.Saitluanga, DIPRO, Serchhip ten an hruai a ni.