Nimin khan New Secretariat Complex, Khatla-ah Pu Lalhmingthanga, IAS, Secretary, Agriculture Department kaihhruaiin a Office Chamber-ah NeGP-A State Empowered Committee chu a hmasa ber atan an thukhawm.He Committee-a member-te chu Secretary, Agriculture Department, Secretary, ICT Department, Director of Agriculture (Crop Husbandry), Secretary, Horticulture Department, Secretary, Fisheries Department, Secretary, AH & Vety Department, Chief Engineer, Minor Irrigation Department, State e-Governance Mission Team, State Informatic Officer, NIC, Project e-Governance Mission Team, India Meteorological Department aiawh leh ICAR atanga aiawh te an ni.
NeGP-A chu Agriculture leh allied Department hnuaia kuthnathawktu chi hrang hrangten ICT hmanga an hriat tur tul leh pawimawhte rang taka an lo hriat zung zung theihna tur a nih thu Chairman Pu Lalhmingthanga chuan sawifiah in hemi kawnga hnathawh dan turte a bawk.
Pu James Vanlalluaia, NeGP-A Nodal Officer chuan tun dinhmuna he project atana pawisa hmuh tawh dan te report a pe a. State Headquarters, District level leh Block level thlengin kuthnathawktuten an hriat tur thil pawimawh leh tulte an lo hriat zung zung theih nan Computer Hardwares bun tum a nih thu leh chungte chu internet-a thlun zawm vek tur a nih thu a sawi a. Hemi bakah hian Mobile Application hmanga information pek theih dan turte leh kuthnathawktuten harsatna an tawha report an pek zung zung theihna tur leh a sutkian dan tur an lo dawn theihna turte pawh ruahman a nih thu a tarlang bawk.
Meeting chuan Kisan Call Centre tangkai zawka hman dan tur ngaihtuah ni se tiin a rel a. Chu bakah AH & Vety leh Fisheries Department-ten hemi kawnga hma an lak ve na tur atan a hranpaa DPR siam ni se a ti bawk. He Scheme hi Centrally Sponsored Scheme niin Agriculture & Allied Department te bakah ATMA functionaries te leh District tina KVK te chu kawng hrang hranga thawktu turte an ni.
He hunah hian NeGP-A hnathawhna tur chungchangah WIPRO Company-te nen thawh dunna tur Agreement-Contract chu sign fel nghal a ni a. Dan angin Pu Lalhmingthanga, IAS, Secretary, Agriculture Department chuan Governor aiawhin a sign a, WIPRO Company aiawh hian Shri Sankhasubhra Majumdar, Regional Sales Manager, WIPRO Limited in a sign bawk a ni.
