3473/2024-2025

Dated Serchhip, the 11^th December, 2024: Thenzawl Civil Sub-Division huamchhunga mipuite hnen thleng phaka Department hrang hrang ten hna an thawh theihna tur 'Fehchhuah Programme' chu vawiin khan a tum hnih nan Neihloh Community Hall ah neih a ni.

Programme kaihruaitu Pu K. Lalhlimpuia, SDO (C) Thenzawl Sub-Division chuan Thenzawl Civil Sub-Division huamchhunga Department hrang hrang te tangkawpin 'Fehchhuah Programme' hi buatsaih a ni, a ti a. Department hrang hrang ten anmahni remchan dan angin mipui tana tangkai tur leh sawrkarin mipuite tana thil a ruahmante bakah mipuite hnena sawrkarin service a pek theihte inhrihfiah tura pan chilh chu a tum ber a ni, a ti.

Vawiina Neihloh khuaa 'Fehchhuah Programme' ah hian Pi Bobby Zothansangi, Manager, MRB, Thenzawl chuan Financial Literacy Campaign neiin, Dr. George Martin Lalruattluanga, Veterinary Officer, Thenzawl chuan ran hri danna lak chungchang (Animal Vaccination) ah Awareness Campaign a nei bawk a. Police Training School, Thenzawl atangin New Criminal laws chungchang inhrilhhriatna hun hman ni bawkin Pu Lalawmpuia, VCP, Neihloh in lawmthu sawiin a hun khatna a khar a. 

Hun hnihnaah CHC Thenzawl leh Integrated AYUSH Hospital, Thenzawl chuan a thlawna inentirna hun buatsaih in Apex Bank, Thenzawl leh SDO (C), Thenzawl ten Helpdesk an buatsaih a, AH & Vety department in Rabies Vaccination Helpdesk an buatsaih nghal bawk.

Fehchhuah programme hmasa ber hi Buangpuiah neih a lo ni tawh a. Tun tum hi a vawihnihna niin mipuiten hlawkthlak an tih thu an sawi a ni.