Ni 2 awh tur “Seminar on Intellectual Property & Innovation Management in Knowledge Era” chu National Research Development Corporation(NRDC), Zoram Research Foundation leh Mizoram Council of Science, Technology & Environment tangrual buatsaihin vawiin khan Tourist Lodge Chaltlang ah neih tan a ni a. Pu Lalkhama IAS (Rtd), Vice Chairman, Mizoram State Planning Board chu Khuallian a ni.
Seminar hawnna inkhawm hi Dr.Vanlalzara, Principal Scientific Officer, Department of Science, Technology, Environment & Planning chuan a kaihruai a. Khuallian Pu Lalkhama chuan thu sawiin copyright te, intellectual property leh patent chungchangah Mizo ten zir tur kan ngah hle a ni, a ti a. Khawvel hmasawnna thang chak tak karah hriatna umin nasa takin mi an intlansiak a, hetiang seminar hi Mizoram in a mamawh hle a ni, a ti.
Pu Lalkhama chuan ram intodelhna tura kalphung thlak danglam ngai leh Mizoram sorkar hmalak tum dan a sawi a. Tlangram lo neih kan kalpui dan hian nasa takin ramngaw a tih chhiat bakah hei hian innghahna tlak ram ro siam chhuah a nei lova. Lo neia eizawng mi nuai 3 vel te pawhin an tha hah man ang hu hlawkna an tel lo, a ti a. Kan ram leilung hmang tangkaia eizawnna ngelnghet siam tur leh hnathawktute tha hlawk zawka chhawr tangkai turin science thiamna hmanga tihdan thar chin chhuah a hun takzet tawh a ni, a ti a. Mizoram sorkar Plan Fund tam ber chu eizawnna ngelnghet din nan hman a tul a ni, a ti bawk. Mizoram khua leh tui dik takte chhinchhiah nan Household Registration Act duan a, uluk taka kalpui tum a nih thu Pu Lalkhama chuan a sawi a. Miretheite khai chhuah nan leh ram intodelhna tura NLUP kalpui a tum thu pawh sawiin Mizoram hmun za zela 50% chu Rain Forest atan humhalh tum a ni, a ti a. He ruahmanna hi a hlawhtlin chuan Mizoram sorkar chuan hmarchhak state dang ten Mizoram tihdan an entawn erawh chu a ui hauh lovang, a ti bawk.
Seminar hawnna inkhawmah hian Pu V.K.Jain, Deputy Manger, NRDC chuan keynote address pein thil thar hmu chhuaktute, siam chhuaktu te, pi leh pu atanga hriatna inhlan chhawn neitu ten neitu nihna humhalh nachang an hriat a pawimawh thu leh inzirtir a tul thu a sawi a. India ram hmun hrang hrang atang mithiam lo kal ten copyright registration chungchang te, Design leh Invention registration chungchang te, traditional knowledge humhalh dan te, Patent leh Intellectual property right kaihhnawih thil te sawifiahin an paper buatsaih atangin sawihona neih a ni.
Hetiang Seminar hi Mizorama a vawikhatna niin hmarchhak state dangah te pawh buatsaih a ni a. Aizawl a neih zawh hian Tripura ah neih a ni ang.
Pu Lalkhama chuan ram intodelhna tura kalphung thlak danglam ngai leh Mizoram sorkar hmalak tum dan a sawi a. Tlangram lo neih kan kalpui dan hian nasa takin ramngaw a tih chhiat bakah hei hian innghahna tlak ram ro siam chhuah a nei lova. Lo neia eizawng mi nuai 3 vel te pawhin an tha hah man ang hu hlawkna an tel lo, a ti a. Kan ram leilung hmang tangkaia eizawnna ngelnghet siam tur leh hnathawktute tha hlawk zawka chhawr tangkai turin science thiamna hmanga tihdan thar chin chhuah a hun takzet tawh a ni, a ti a. Mizoram sorkar Plan Fund tam ber chu eizawnna ngelnghet din nan hman a tul a ni, a ti bawk. Mizoram khua leh tui dik takte chhinchhiah nan Household Registration Act duan a, uluk taka kalpui tum a nih thu Pu Lalkhama chuan a sawi a. Miretheite khai chhuah nan leh ram intodelhna tura NLUP kalpui a tum thu pawh sawiin Mizoram hmun za zela 50% chu Rain Forest atan humhalh tum a ni, a ti a. He ruahmanna hi a hlawhtlin chuan Mizoram sorkar chuan hmarchhak state dang ten Mizoram tihdan an entawn erawh chu a ui hauh lovang, a ti bawk.
Seminar hawnna inkhawmah hian Pu V.K.Jain, Deputy Manger, NRDC chuan keynote address pein thil thar hmu chhuaktute, siam chhuaktu te, pi leh pu atanga hriatna inhlan chhawn neitu ten neitu nihna humhalh nachang an hriat a pawimawh thu leh inzirtir a tul thu a sawi a. India ram hmun hrang hrang atang mithiam lo kal ten copyright registration chungchang te, Design leh Invention registration chungchang te, traditional knowledge humhalh dan te, Patent leh Intellectual property right kaihhnawih thil te sawifiahin an paper buatsaih atangin sawihona neih a ni.
Hetiang Seminar hi Mizorama a vawikhatna niin hmarchhak state dangah te pawh buatsaih a ni a. Aizawl a neih zawh hian Tripura ah neih a ni ang.
