Chief Minister Pu Lal Thanhawla chuan North East Livelihood Project (NELP) hi hmarchhak states mirethei, thingtlanga chengte hamthatna tur leh chawikangtu tur tha tak a ni a, N.E. Regional Community Management Project (NERCMP) in a huam ve lohte chhawr theih tur anih bawk avangin hman thuai anih theih nan tan lak nghal a tul a ni a ti. He thu hi vawiina Guwahati a North Eastern Council Meeting vawi 58 - na a a sawi a ni.
Chief Minister chuan ram pum tana policy guidelines leh dan leh hraite a zamte hi hmarchhak bik tan chuan her danglam a tul thin thu a sawi a. Kum 1980 chho vela NEC bultuma helai dinhmun zirchiangtu a din chuan hmarchhak ram, abik takin tlangram hmuna Project reng reng senso man hi hmun dang aia 15% a atam bik thin thu a lo tarlan chu sawilangin, Pu Hawla chuan project reng reng siamin hei hi kan hriat a tul thu a tarlang a. Anih loh chuan state pachhe tan chuan project neih theih ve chi anilo a ni a ti.
Leilung hausakna hmang tangkai tur leh private investment nei tur chuan land record leh settlement fel tak neih a tul thu Chief Minister chuan sawiin, Mizoram sorkar pawhin a flagship programme, NLUP hnuaiah mumal taka ram survey hna thawh a tum thu a sawi a. Amaherawhchu Ministry of Rural Development, Department of Land Resourses hnuaia modernisation of land records in a senso 50% chu State tum ve tur a phut chu a tam em avangin survey hna chu thawh theih anih loh thu a sawi a. Chuvangin Chief Minister chuan Ministry of Rural Development, Govt. of India hnenah helai tlangram bik atan policy hranpa duang tur leh hemi scheme hnuaiah 100% grant min siamsak tura min ngen sak turin NEC chu a ngen nghal a ni. Chief Minister chuan project lian tham reng reng siamina a khawihte hnena chhawmdawlna ruahman thin dan hman mek te pawh enthat tul atih thu a sawilang bawk a.
India Danpui siamthat vawi 73 na leh 74 na in Panchayati Raj system a tih that ruala tribal mite inrelbawl dan, village council a hmaih avanga hamthatna an dawn ve loh chu, an hmuh ve ngeina turin siam that ngai siam that nise tiin rawtna Chief Minister chuan a siam bawk a. NEC guidelines hian inter-state project a dah lal lutuk chu ennawn nise tiin Pu Hawla chuan sawi bawkin, state bik scheme tih theih loh tih NEC Act ah tarlan anih loh bawk avangin hmun kilkhawr zawk leh harsa zawkte tan development fund an chhawr tangkai theih nan guidelines hi ennawn a rawt a ni. NEC hian Regional Plan tih kaihhruaina thar duan nise tiin, Chief Minister chuan hemi atan hian cell pahnih, project endika viltu leh project siam tu din nise a ti bawk a. NEC in lehkhathiam hna neilo te tana eizawnna ngialnghet an neih theih nana training na tur, Natioanal Development Volunteer Scheme a ruahmanna a siam chu lawmawm a tihthu sawiin, sum erawh dah tam theih nise a duhthu a sawi bawk a ni.
Chief Minister chuan India hmarchhakah hian per capita income (mi pakhat zel dehchhuah) chu kum 60 kalta chhunga 40% a a tlakhniam thu sawilangin, hei hi development model kan zawh dik loh vangah a ngaih thu a sawi a. NER Vision 2020 hian rawn tihdik tum nia a hriat thu a sawi a. He Vision tipuitling tur chuan tul zual bik, sum leh pai, hmasawnna ruangam leh chhawrtlak hnathawktu turte an ni a ti a. Hetah hian central sorkar chu hriatthiamna zau tak nen a in hawn a ngai a ni a ti.
Leilung hausakna hmang tangkai tur leh private investment nei tur chuan land record leh settlement fel tak neih a tul thu Chief Minister chuan sawiin, Mizoram sorkar pawhin a flagship programme, NLUP hnuaiah mumal taka ram survey hna thawh a tum thu a sawi a. Amaherawhchu Ministry of Rural Development, Department of Land Resourses hnuaia modernisation of land records in a senso 50% chu State tum ve tur a phut chu a tam em avangin survey hna chu thawh theih anih loh thu a sawi a. Chuvangin Chief Minister chuan Ministry of Rural Development, Govt. of India hnenah helai tlangram bik atan policy hranpa duang tur leh hemi scheme hnuaiah 100% grant min siamsak tura min ngen sak turin NEC chu a ngen nghal a ni. Chief Minister chuan project lian tham reng reng siamina a khawihte hnena chhawmdawlna ruahman thin dan hman mek te pawh enthat tul atih thu a sawilang bawk a.
India Danpui siamthat vawi 73 na leh 74 na in Panchayati Raj system a tih that ruala tribal mite inrelbawl dan, village council a hmaih avanga hamthatna an dawn ve loh chu, an hmuh ve ngeina turin siam that ngai siam that nise tiin rawtna Chief Minister chuan a siam bawk a. NEC guidelines hian inter-state project a dah lal lutuk chu ennawn nise tiin Pu Hawla chuan sawi bawkin, state bik scheme tih theih loh tih NEC Act ah tarlan anih loh bawk avangin hmun kilkhawr zawk leh harsa zawkte tan development fund an chhawr tangkai theih nan guidelines hi ennawn a rawt a ni. NEC hian Regional Plan tih kaihhruaina thar duan nise tiin, Chief Minister chuan hemi atan hian cell pahnih, project endika viltu leh project siam tu din nise a ti bawk a. NEC in lehkhathiam hna neilo te tana eizawnna ngialnghet an neih theih nana training na tur, Natioanal Development Volunteer Scheme a ruahmanna a siam chu lawmawm a tihthu sawiin, sum erawh dah tam theih nise a duhthu a sawi bawk a ni.
Chief Minister chuan India hmarchhakah hian per capita income (mi pakhat zel dehchhuah) chu kum 60 kalta chhunga 40% a a tlakhniam thu sawilangin, hei hi development model kan zawh dik loh vangah a ngaih thu a sawi a. NER Vision 2020 hian rawn tihdik tum nia a hriat thu a sawi a. He Vision tipuitling tur chuan tul zual bik, sum leh pai, hmasawnna ruangam leh chhawrtlak hnathawktu turte an ni a ti a. Hetah hian central sorkar chu hriatthiamna zau tak nen a in hawn a ngai a ni a ti.
