Vawiin Dt 16.8.2016 chawhnu dar 2:00 khan New Siaha a M.Y.A. Multipurpose Hall, 1st Floor bialtu M.L.A. Dr K.Beichhua in M.L.A. Fund atanga a pek cheng nuai 7 : 00 seng a sak chu Bialtu M.L.A. Dr K.Beichhua chuan a hawng.

He Hall hawnna inkhawm hi Pu Lalzawnga, Chairman, Building Committee chuan a kaihruai a, Upa Dr R.Hmingthanzuala’n hunserh a hmang a, Pu S.Laldinthara, Treasurer, Building Committee chuan Technical Report a pe a ni. He Hall hawnna a Khuallian Dr K.Beichhua chuan thu sawiin Siaha khawpui chu Mizoram in U.T. kan hmuh atangin District Senior ber zinga mi nimahse Naupang thangtheilo ang maiin hmasawnna kawngah kan hnufum em em a, kan thalaite hmasawnna tur thawh hi chak hle mah ila tun dinhmunah chuan a harsa hle ani ati a, thalaite kawngdiklo atanga kawng dika hruai hi kan tihtur ani ati bawk. Kan khawvel chhe tawh takah hian kan fate thil tha kan kawhhmuh hi kan zavaia mawhphurhna ani tiin Pathian in kan kova a nghah chu kan mihring puite tana rawngbawl hi ani ati a, Sports lamah District dangte aia tallent kan neih that lohna a awmlo tih kan hriat a ngai ani tiin Khelmual tha pawh nei lo District in National Player kan nei thei te hi a chhuanawm hle ani ati bawk. Siaha khawpui chu tehna hrang hrang ah a chheber hlir awmna ani tiin thiltha tih kawngah inel turin kalkhawm te chu a chah ani. Pathian malsawm tlaka kan nun a pawimawh thu sawiin Pathian malsawmna dawng turin keimahnin kan zir a ngaia, kan rilru leh ngaihtuahna te thlak danglama tha zawka kan nun a ngai ani ati a. A sawi a sawi tam lam aiin a taka kan tih tam a pawimawh ani a ti bawk.

He Hall hawnna ah hian Pu K.Sangtlunga bialtu M.D.C leh Joint VC aiawh in Pu F.Lallawmawma te pawhin thusawina an nei a, programme karlakah zaithiam zai te ngaihthlak ani a, Pu H.Lalfakzuala, President, Model Youth Association chuan lawmthu sawina neiin he Hall hawnna programme hi a titawp a ni.