No.1764/2021-2022

Mamit 9th August, 2021 : Dr. Lalrozama, IAS District Bawrhsap, Mamit-in thuchhuah a siam angin Assam leh Mizoram ramri chungchangah buaina kan tawk a, he buaina avang hian kawng hrang hranga harsatna leh lungawilohna te, ei leh bar, nitin khawsak mamawh lakkhawm kawngahte harsatna chi hrang hrang kan tawk a ni. Hetih lai hian Sorkar pawhin theihtawp chhuahin he ramri buai chingfel tur hian hma ala mek zel bawk a. Sorkar hmalakna zarah hmasawnna hmuh tur pawh a awm chho mek a ni.

Hetih lai hian sorkar hmalakna tithuanawp zawngin emaw harsatna belchhah zawngin emaw khawsa lo turin mi tupawh kan inngen a. A bikin pawisawilo hnamdangte chunga hleilenna lam chi reng rengah insumkar tura ngen kan ni.

Sorkar hmalakna te ngaichanga a, lo puibawm theuh turin mitin te sawm nawn kan ni e.