No.1104/2021-2022

Aizawl, 24th June, 2021 : Lengteng Bialtu MLA Pu L. Thangmawia leh Aizawl Deputy Commissioner Dr. Lalhriatzuali Ralte, IAS te ruahmanin Ngopa khawtlang chuan nimin June ni 23, 2021 khan Aizawl khawpui chhunga COVID-19 hripui len vanga harsatna tawk veng leh hmun hrang hrang - Central Jail, Tawngtai Bethel Camping Centre (TBCC), Sakawrtuichhun, TNT, College Veng, Central Jail Veng, Tuivamit leh Tanhrila chengte tan chawhmeh thahnem tak an pe.

Ngopa khawtlang hian chawhmeh chi hrang hrang - Antam, Phuihnam, Samtawk leh thlai dang te, 407 trip 3 leh Pik-Up trip 1 zet an thawhchhuah pui a. TBCC, Sakawrtuichhunin harsatna an tawh mek te leh Central Jail-a awm ten COVID hrileng nasa tak an tuar mek tih hriain heng chawhmeh te hi an khaw mipui inphalte hnen atanga lakhawmin an luangchhuak ta a ni.

Central Jail-ah hian 407 trip 2, TNT ah 407 trip 1 leh TBCC Sakawrtuichhunah hian 407 trip 1, College Veng mipui tan pickup trip 1 an pe a. Central Jail dawn hi a tam tham deuh avangin a chhehvela veng hrang hranga cheng te hnenah chawhmeh hi an sem darh a ni.