1454/2023-2024
NH-6 Airport panna kawng Vaivakawn thlanmual bula leimin chu lirthei tlan tlang theih tura thenfai a ni tawh a. Amaherawhchu, a ko chhak lam hi min belh thei mai dinhmunah a din mek avangin, mipui kan lo him zawk nan, DM Act 2005 Section-34 (b) (c) in a thuneihna a pek angin Deputy Commissioner chuan NH-6 Vaivakawn thlanmual bul (Airport kawng) hi zan dar 9:00 leh zing dar 4:30 inkarah lirthei leh mipui ke a kal te veivak lo turin a hriattir.
A hmunhma hi thlithlai reng a ni a. Lirthei tlan dan turah sawrkar thuchhuak ngaichang tur leh ngai pawimawh turin mitin te a ngen a ni.
